Akrafjall

Við rætur Akrafjalls er grjótglímusvæði. Mikið er af klettum og klettabeltum á svæðinu en flestar klifurleiðirnar eru á litlu svæði nálægt veginum.

Klettarnir eru 4-6 metra háir og bjóða upp á góða glímu. Lendingin er mjög góð og stutt í Berjadalsána til að svala þorstanum eða henda sér í kalt bað!

Klifursvæðið er ennþá nokkuð nýtt og er fólki ráðlagt að taka með sér vírbursta til að taka í burtu mosa sem enn er víða á klettunum.

Leiðarlýsing

Þegar komið er upp úr göngunum er keyrt í átt að Akranesi en beygt til hægri á Akrafjallsvegi (51) áður en að bænum er komið. Eftir ruslahaugana er beygt til hægi og inn á malarveg. Keyrt með ánni fram hjá motorcross brautinni og að bílastæðinu við Selbrekku. Klettarnir sjást áður en að bílastæðinu er komið.

Vegalengd frá Reykjavík:
	46 km.
	37 mín.