Reykjanes Boulder

Eftir: Jafet Bjarkar Björnsson
Útgáfuár: 2010
Klifursvæði: Gálgaklettar, Hörzl við Hauga, Valbjargargjá, Öskjuhlíð
Tegund klifurs: Grjótglíma
Sölustaðir: Klifurhúsið, Fjallakofinn

Í Reykjanes Boulder eru tekin fyrir þrjú klifursvæði á Reykjanesinu og Öskjuhlíðina í Reykjavík. Svæðin eru öll í minni kantinum en engu að síður skemmtileg í klifri og falleg og þar að auki nálægt höfuðborginni. Í Öskjuhlíðinni stíga margir fyrstu skrefin sín í grjótglímu og er þá gott að hafa leiðarvísinn við höndina.   Í Reykjanes Boulder eru skráðar 108 grjótglímuleiðir sem eru frá 5a til 7c.

Sækja

 

Pöstin

Útgáfuár: 2010
Klifursvæði: Pöstin
Tegund klifurs: Sportklifur

Í Pöstinni eru 8 boltaðar leiðir sem eru allt að 25 metrar á hæð. Leiðirnar eru frá 5.6 til 5.10. Svæðið sést vel frá þjóðveginum.

 

Sækja

 

Skinnhúfuklettar

Útgáfuár: 2010
Klifursvæði: Skinnhúfuklettar
Tegund klifurs: Sportklifur

Í Skinnhúfuklettum í Vatnsdal eru 13 boltaðar leiðir og ein ofanvaðsleið. Leiðirnar eru frá 5.8 og upp í 5.13a.

 

Sækja

 

Valshamar

Eftir: Sigurður Tómas Þórisson, Skarphéðinn Halldórsson, Björgvin Hilmarsson
Útgáfuár: 2009
Klifursvæði: Valshamar
Tegund klifurs: Sportklifur, dótaklifur

Valshamar í Eilífsdal er mikið sótt klifursvæði. Það er mjög byrjendavænt og nálægt Reykjavík. Í Valshamri eru 25 leiðir sem eru flestar boltaðar. Erfiðleikastig er frá 5.4 upp í 5.11+.

 

Hnappavallahamrar 2008-2009

 

Hnappavallahamrar 2008-2009

Eftir: Jón Viðar Sigurðsson
Útgáfuár: 2009
Klifursvæði: Hnappavellir
Tegund klifurs: Sportklifur, dótaklifur
Sölustaðir: Klifurhúsið

Viðbót við Hnappavallarleiðarvísi sem kom út 2008. Í leiðarvísinum eru teknar saman allar leiðir sem settar voru upp á árunum 2008 og 2009. Auk þess eru teknar saman nýjar grjótglímuleiðir.

 

Jósepsdalur Boulder

Eftir: Jafet Bjarkar Björnsson
Útgáfuár: 2009
Klifursvæði: Jósepsdalur
Tegund klifurs: Grjótglíma
Sölustaðir: Klifurhúsið, Fjallakofinn

Snemma á þessari öld var byrjað að klifra í Einstæðingi í Jósepsdal. Sumarið 2007 fóru klifrarar að klifra í steinunum í brekkunni og leyndist þar fjöldinn allur af háklassa grjótglímuþrautum. Nú hafa hátt í 100 þrautir verið klifraðar á svæðinu sem er orðið stærsta grjótglímusvæðið á suðvestur-horninu.

 

Hnappavallahamarar Klifurhandbók

Eftir: Jón Viðar Sigurðsson og Stefán Steinar Smárason
Útgáfuár: 2008
Klifursvæði: Hnappavellir
Tegund klifurs: Sportklifur
Sölustaðir: Klifurhúsið

Leiðarvísirinn er uppfullur af fróðleik um þetta stærsta klifursvæði Íslands. Í hann eru skráðar allar kletta-, ís- og dótaklifurleiðir sem klifraðar hafa verið á Völlunum. Einnig eru þar að finna þó nokkrar grjótglímuþrautir.

Gerduberg

 

Gerðuberg leiðarvísir

Eftir: Sigurður Tómas Þórisson
Útgáfuár: 2007
Klifursvæði: Gerðuberg
Tegund klifurs: Dótaklifur

Í Gerðubergi eru að finna dótaklifurleiðir af bestu gerð. Stuðlabergshamarinn er um 5 til 12 metra hár og er mjög þægilegt að koma tryggingum fyrir í klettunum. Svæðið er á Snæfellsnesinu og tekur innan við tvo tíma að keyra þangað.

Munkinn

 

Munkaþerá

Eftir: Sigurður Tómas Þórisson
Útgáfuár: 2007
Klifursvæði: Munkaþverá
Tegund klifurs: Sportklifur, dótaklifur

Múnkaþverá er eitt helsta klifursvæði norðurlands ásamt Skinnhúfuklettum. Þar eru nú um 25 klifurleiðir og eru þær flestar boltaðar.

 

Stardalur

 

Stardalur

Eftir: Sigurður Tómas Þórisson
Útgáfuár: 2006
Klifursvæði: Stardalur
Tegund klifurs: Dótaklifur

Það má segja að Stardalur sé hjarta dótaklifurs á Íslandi. Klifrað hefur verið í Stardalshnjúk frá árinu 1978 og var það stærsta og vinsælasta klifursvæði landsins þar til Hnappavellir fundust. Þar má t.d. finna erfiðustu dótaklifurleið landsins, Sónötu.

Sækja

 

Búhamrar

Eftir: Kristín Martha, Bjössi og Óli Raggi
Útgáfuár: ?
Klifursvæði: Búhamrar
Tegund klifurs: Sportklifur, dótaklifur

Í leiðarvísinum eru 6 boltaðar leiðir og tvær dótaklifurleiðir. Einnig er Steinninn merktur inn en á honum er hægt að glíma eitthvað. Nánari upplýsingar með leiðarvísinum er hægt að sjá hér.