Tag Archives: klifur

Reykjanes Boulder tilbúinn

Nýji klifur leiðarvísirinn Reykjanes Boulder er loksins kominn í búðir. Í leiðarvísinum eru tekin fyrir fjögur grjótglímu klifursvæði; Öskjuhlíð, Gálgaklettar, Valbjargargjá og Hörzl við Hauga. Fjöldi leiða á svæðunum er á milli 18-44 og eru þær samtals 108 í bókinni. Ekkert af þessum svæðum hafa áður komið út í leiðarvísi og er þetta góð viðbót við klifurmenninguna á Íslandi.

Vísirinn er í sama stíl og Jósepsdalur Boulder sem var gefinn út í fyrra nema bara flottari. Hægt er að nálgast leiðarvísinn í Klifurhúsinu og Fjallakofanum.

Hraðaklifurmót á menningarnótt

Hér sést frækilegt heimsmet í HöfðatorgsklifriKlifurhúsið stendur fyrir hraðaklifurmóti á Höfðatorgsturninum á menningarnótt milli 14 til 16.

Skráning verður á staðnum og verða keppendur að geta bundið sig sjálfir og leitt, því ólíkt í fyrra verður leiðsluklifur núna en ekki ofanvað.

Þeir sem hafa áhuga á því að taka þátt verða að mæta korter í tvö til að skrá sig.

Ekki þykir ólíklegt að sigurvegarar gangi frá þessu með fulla vasa af gulli auk frægðar og frama, og jafnvel bikar.

Austur-Klofningur

Við fórum tveir félagar frá Laugarvatni að skoða nýtt grjótglímusvæði staðsett á Miðdalsfjalli rétt fyrir ofan Laugarvatn. Leiðin lá upp jeppaslóða við Miðdal og er svæðið um fimm kílómetra frá afleggjaranum. Slóðinn er frekar leiðinlegur en þokkalegur jepplingur ætti að ráða við hann.

Svæðið er klettabelti sem liggur skammt frá Gullkistunni, sem er lítill áberandi hnúkur ofan á Miðdalsfjalli, sem geymir eina boltaða leið, Jómfrúin (5,5). Lendingin undir flestum leiðum er þokkaleg en stundum mikill halli og eitthvað um stóra grjóthnullunga. Grjótið er sumstaðar mjög hvasst, hálfgjört hraun, og lítið viðnám í því.

Við fundum einn stakan stein á svæðinu og glímdum við hann, ásamt því að kíkja á skemmtilegt yfirhang í klettabeltinu. Fjölmargar leiðir litu dagsins ljós og enn fleiri “projekt”. Það verður án efa glímt við svæðið aftur á næstunni.

Orðabók

CLIMBING

KLIFUR

 

Aid climbing Stigaklifur Klifur þar sem notast er við búnað í stað handa til að komast á topp.
Alpine climbing Alpaklifur/fjallaklifur Alpaklifurleiðir hafa oft markmið að enda á einhverskonar tind eða hápunkti. Alpaklifur klofnaði frá fjallgöngum þar sem að klifrið einblýndi meira á leiðina sem var farin frekar en tindinn sem var endað á. Til að klifrarar gætu farið erfiðari og meira krefjandi alpaklifurleiðir þá þurftu þeir að vera færir í klifri í klettum, á ís og í snjó. Alpaklifurleið getur innihaldið allt þrennt í einni leið eða bara einn stíl. Til að æfa fyrir alpaklifur fóru klifrarar að klifra styttri leiðir (einnar spananar) í klettum og ís. Þessar æfingar urðu svo að sér klifurstílum eins og dótaklifri, sportklifri og ísklifri. Þessir stílar fóru svo að snúast meira um leiðina sjálfa og erfiðleika hennar en markmiðið með að enda á einverskonar tindi fékk minna vægi eða ekkert. Þetta ferli hélt svo áfram og æfingar fyrir sport- og dótaklifur urðu að grjótglímu og inniklifri og æfingar inni spruttu af sér hraðaklifur og kvikan stíl
Big wall Fjölspannaklifur Klifurleið sem tekur margar línulengdir til að klára.
Boulder Grjótglíma Klifur þar sem notast er við dýnur til að verja fall.
Crack climbing Sprunguklifur Klifur eftir sprungu í vegg.
Deepwater solo Vatnsklifur? Klifur þar sem vatn/sjór fyrir neðan klifurleiðina er eina trygging klifrarans.
Drytool Þurrtólun Klettaklifurleiðir sem eru klifraðar með ísöxum og mannbroddum en eru þurrar og íslausar. Þessi stíll er stundaður á bergi þar sem sport og dótaklifur henta ekki vel. Athugið að skráðar sport eða dótaklifurleiðir skal aldrei klifra með ísöxum, þar sem það rispar og skemmir bergið.
Free solo Einklifur? Klifur án nokkurar tryggingar eða öryggis.
Highball Háglíma Grjótglímuleð sem fer það hátt upp að hætta getur stafað af.
Ice climbing Ísklifur Klifurleiðir sem þar sem einungis er klifrað á ís og til þess eru notaðar ísaxir og mannbroddar. Ísklifur er stundað í frosnum fossum, á jöklum og á sprey ís sem getur myndast nálægt vatnsmeiri fossum sem ekki ná að frjósa.
Indoor climbing Artificial climbing Inniklifur/manngert klifur, Einskonar regnhlífarhugtak yfir klifurstíla sem eru stundaðir innanhúss eða á manngerðum veggjum.
Lead climbing Leiðsluklifur Form klifurs þar sem klifrari kemur fyrir tryggingum í klettinum á meðan er klifrað (dótaklifur) eða klippir línuna í búnað sem komið hefur verið fyrir í leiðinni (sportklifur).
Mixed climbing Blandað klifur Klifurleiðir sem eru klifraðar með ísöxum og í mannbroddum. Hluti af klifurleiðinni er á ís en hluti af leiðinni er á bergi. Klettahlutar í blönduðum klifurleiðum eru ýmist tryggðar með hnetum og vinum líkt og í dótaklifri eða boltum hefur verið komið fyrir líkt og í sportklifri.
Multi pitch climbing Fjölspannaklifur Klifurleið sem er meira en ein línulengd, getur verið í hvaða klifurstíl sem er.
Rock climbing Klettaklifur Einskonar regnhlífarhugtak sem nær yfir dótaklifur, sportklifur, grjótglímu, þurrtólun, stigaklifur, sawanobori og hverskonar klifur sem er stundað úti á klettum.
Speed climbing Hraðaklifur Ein af ólympíugreinum klifurs, einskonar lóðrétt hlaup. Hraðaklifur er alltaf stundað á eins klifurleiðum á eins veggjum og hingað til hefur leiðinni ekki verið breytt. Eins og nafnið gefur til kynna er hraðaklifur keppni um að komast sem hraðast á topp leiðar. Heimsmetið í hraðaklifri er 5,2 sek á 15m vegg.
Sport climbing Sportklifur Klifur þar sem notast er við reipi og annan búnað til að verja fall. Boltum (augum) hefur þá verið komið fyrir í veggnum.
Sawanobori Vatnsklifur/fossaklifur Klifurstíll sem á uppruna sinn að rekja til Japan og er að megninu til stundaður þar. Í fossaklifri er á fylgt alla leið að uppruna sínum, á móti straumnum í gegnum fossa flúðir og hyli. Enn sem er hafa engar slíkar leiðir verið skráðar á Íslandi.
Top-rope Ofanvaður Tegund klifurs þar sem línan er tryggð í akkeri á toppi leiðar áður en byrjað er að klifra.
Traditional climbing Dótaklifur Tegund klifurs þar sem klifrari kemur sjálfur fyrir tryggingum í klettinum (oftast í sprungum).
Winter climbin Vetrarklifur Einskonar regnhlífarhugtak yfir ísklifur, blandað klifur, alpaklifur, þurrtólun, háfjallaklifur alla þá klifurstíla sem eru stundaðir að vetri til, í vetrar aðstæðum eða með ísöxum.

HOLDS

GRIP

 

Bicycle Hjólagrip Grip klemmt með fótunum þannig að annar fóturinn ýtir en hinn togar í tákrók. Oftast notað í yfirhangi eða þaki.
Campus Fótalaust klifur Klifur þar sem einungis hendurnar eru notaðar.
Crimp Fingraklifur Lítil grip sem reyna mikið á fingurgómana.
Gaston Gaston Grip sem er bara gott ef haldið er í það frá hlið með olnbogann snúinn út frá líkamanum.
Jug Krús (juggari) Stór og djúp grip.
Match Sameina Báðar hendur settar á sömu höldu.
Mono Puttahola Lítil hola þar sem er bara hægt að koma fyrir einum putta. Einnig til tveggja- og þriggja puttaholur.
Pinch Kreistugrip Grip sem er tekið um með fingrum og þumli.
Side pull Hliðargrip Lóðrétt grip sem er einungis hægt að halda í með því að toga til hliðar (eins og gaston en snýr akkúrat öfugt).
Sloper Ávalar höldur Sleip/slétt grip. Lófinn oft notaður til að halda gripi.
Undercling Undirtak Haldið í grip þar sem lófinn snýr upp.

MOVEMENT

HREYFING

 

Cross-over Krossa Fara með aðra hendina yfir hina til að ná í næstu festu.
Deadpoint Dauðpunkta Löng hreyfing án stökks þar sem mistök valda falli.
Drop knee Hnédýfa Eftir að stigið er á fótfestu er fætinum snúið inn á við og hnéð beygt. Þannig er oft hægt að koma líkamanum nær veggnum svo hægt sé að ná í næstu festu.
Dyno Eðlustökk Þegar sá sem klifrar stekkur til að ná á milli gripa.
Flag Flagga Þegar fótur er settur út til að auka jafnvægi.
Heel hook Hælkrókur Hællinn settur á höldu og tekur þar með þyngd af höndunum. Yfirleitt notað í yfirhangi eða þaki.
Hip roll Mjaðmasnúningur Mjöðminni snúið til hliðar til að koma henni nær veggnum og taka þannig þyngd af höndunum.
Knee-bar Hnélás Fótur og neðri hluti læris settur á milli tveggja flata þannig spenna myndast. Góð staða sem er oft gott að hvíla hendur í.
Lay back ? Þá eru fæturnir notaðir til að ýta líkamanum til hliðar svo hægt sé að halda í hliðargrip.
Lock Off Læsa Halda í grip með annarri hendi og toga upp með nógu miklum styrk til að geta fært hina hendina á næsta grip.
Mantle Mjaka Þegar klifrað er upp á brún, svipað og þegar farið er upp úr sundlaug
Smear Smyrja Sólinn settur á steininn þar sem eru engin augljós fótstíg. Oft notað í slabb klifri.
Stem Strompklifur Líkamanum haldið upp með því að pressa höndum og/eða fótum í sinn hvorn vegginn sem eru á móti hvor öðrum eða mynda einhverskonar horn.
Step-trough Krossskref? Stigið inn á við fyrir framan fótinn sem stígur á vegginn. Oft notað í hliðrunum (traverse).
Swap feet Fótaskipti Skipt um fót á sömu fótfestu.
Top-out Toppa Þegar grjótglímuleið endar með því að klifrað er upp á steininn.
Traverse Hliðrun Þegar klifrað er til hliðar (ekki upp).
Twist lock ? Hreyfing mikið notuð í yfirhangs klifri. Þá er snúið upp á líkamann þannig að önnur öxlin fer fram en hin aftur og getur maður þannig náð að teygja sig lengra upp vegginn.

ACHIVEMENTS

AFREK

 

On-sight Beint af augum Klifra leið í fyrstu tilraun án þess að hafa fengið upplýsingar um leiðina fyrirfram.
Flash Blossi Klifra leið í fyrstu tilraun með því að fá upplýsingar um leiðina fyrirfram.
Redpoint Rauðpunkta Klifra leið eftir að hafa farið yfir hreyfingar eða fengið upplýsingar um leiðina.
Greenpoint Grænpunkta Sportklifurleið klifruð í dótaklifurstíl án þess að nota bolta.
Pinkpoint Bleikpunk Klifurleið leidd án falls en öllum tryggingum hefur verið komið fyrir í leiðinni áður en lagt er af stað. Oftast notað í dótaklifri en á sumum stöðum í heiminum eru sportklifurleiðir ekki taldar hafa verið rauðpunktaðar nema að tvistum hafi verið komið fyrir á meðan klifrað er. Almennt gera sportklifrarar ekki mun á bleikpunkti og rauðpunkti né setja út á það að leið klifruð beint af augum eða í blossa hafi verið með tvistum í áður en lagt er af stað.
Toprope Ofanvað Leið klifruð þar sem öryggislínu hefur verið komið fyrir á toppinum. Ofanvað býður oftast upp á styttri föll og mýkri föll auk meiri öryggistilfinningu. Ofanvað er oft notað til gamans eða æfinga og skiptir ekki máli hvort að klifrari setjist í línuna, fái smá stuðning frá henni eða komist á toppinn yfir höfið.

CRAG

KLETTAR

 

Slab Slabb Aflíðandi klettur.
Vertical Lóðrétt Lóðréttur klettur.
Overhanging Yfirhangandi/slúttandi Yfirhangandi klettur.
Roof Þak Klettur sem er það mikið yfirhangandi að hann er láréttur

OTHER

ANNAÐ

 

Belayer Tryggjari Sá sem tryggir klifrarann með því að stjórna reipinu.
Brake hand Bremsuhendi Hönd tryggjara sem heldur klifurlínu öruggri.
Clip Klippa Notað í sportklifri þegar línan er fest í karabínu eða tvist.
Elvis leg Elvisinn Þegar fætur skjálfa óstjórnlega í klifri vegna mikillar áreynslu.
Beta Lausn Upplýsingar um hvernig á að klifra ákveðna klifurleið.
Krux Erfiður kafli (EK) Erfiðasti partur leiðar.
Pitch Spönn Sú lengd klifurleiðar sem er hægt að framkvæma með einni línulengd. Sjá fjölspannaklifur.
Pumped Pumpuð/pumpaður Líkamlegt ástand sem veldur minni styrk í framhandleggjum þegar verið er að klifra.
Ground Brotlenda (gránda) Notað í sportklifri þegar klifrari dettur í jörðina áður en línan nær að grípa hann.
Problem Grjótglímuleið Notað í grjótglímu um klifurleið.
Route Leið/klifurleið Leið upp kletta, ís eða tilbúinn vegg sem einhver hefur klifrað áður og klifrari reynir að endurtaka.
Project Verkefni Klifurleið í vinnslu. Meðan unnið er að því að klifra klifurleið í fyrsta sinn og þar með búa hana til. Verkefni geta verið ýmist opin eða lokuð. Opin verkefni eru opin fyrir hvern sem er til að verða fyrstur til að klifra leiðina en lokuð verkefni bíða þess að sá sem lagði vinnu í að gera leiðina nái að klifra hana. Einnig eru til persónuleg verkefni þar sem að klifrari setur mikla vinnu í að ná að klifra skráða klifurleið. Oftast eru persónuleg verkefni nálægt getumörkum viðkomandi klifara.

COMMANDS

SKIPANIR

 

Take! Taka! Þegar klifrari gefst upp og vill setjast í línuna.
Slack Gefa! Þegar klifrari vill fá meiri slaka á línuna.
Stone! Steinn! Öskra “STEEEEEINN” þegar þú setur af stað stein sem getur valdið öðrum hættu.
Ice! Ís Það sem maður öskrar þegar ís fellur úr ísklifurleið.
Rope! Lína! Öskra “LÍNA” þegar lína er hreynsuð úr leið.

GEAR

BÚNARÐUR

 

Belay device Tryggingartól
Bolt Bolti
Cam/Camalot/Frends Vinir
Carabiner Karabína
Chalk Kalk
Climbing helmet Klifurhjálmur
Climbing shoes Klifurskór (túttur)
Crampons Mannbroddar/broddar
Dogbone bein
Hanger Auga
Harness Klifurbelti/Belti
Hex Hexur
Ice axe Ísexi
Ice screw Ísskrúfa
Nut Hneta
Piton Fleygur
Quickdraw Tvistur
Rope Lína
Screamer Öskrari Bein í tvist með laust saumuðum lykkjum. Ef klifrari dettur í öskrara þá rifna lykkjurnar, öskrarinn lengist áður en hann grípur og hann drekkur í sig hluta af orkunni úr fallinu og setur þannig minna álag á trygginguna sem tvisturinn er klipptur í.
Sky hook Skýjakrókur?
Sling Slingur/borði

Grjótglíma í nágrenni Reykjavíkur

Jonni klifrarEftir að hafa heyrt orðróm um ágæti námusteinanna í Geldinganesi ákváðu þeir Jónas (Jonni) og Kári að skoða svæðið nánar. Í námunni fundu þeir fjóra ágætis steina og klifruðu á þeim um 15-20 leiðir sem þeir skýrðu og gráðuðu. Leiðirnar eru í léttari kantinum en eflaust er hægt að bæta við nokkrum leiðum. Jonni var ánægður með árangurinn og útilokar ekki að þarna sé hægt að finna fleiri steina. Eftir daginn tóku félagarnir leiðirnar saman og settu í smá leiðarvísi en hann er hægt að sækja hér.

Nokkrar nýjar grjótglímuleiðir hafa einnig verið klifraðar á Háabjalla og hafa leiðirnar verið skráðar inn á Klifur.is.

Erfiðasti Boulderprobbi á Íslandi klifraður!

Þann 19. júní gerðust merk tímamót á Hnappavöllum þegar hann Valdimar Björnsson klifraði Kamar probbann 7C+ (8a?) sem er erfiðasta boulderleið á Íslandi. Kamar probbinn er staðsettur fyrir aftan hinn víðfræga kamar á Hnappavöllum. Settur hefur verið upp bolti fyrir ofan leiðina og fór Valdi hana í toprope, hins vegar er beðið eftir hetju sem vill láta ljós sitt skína og high ball-a hana þar sem leiðin er 7m.

Undanfarin ár hefur áhuginn á boulderi farið stig vaxandi. Margir nýjir probbar hafa verið klifraðir og mörg ný boulder klifursvæði uppgötvuð, þar má nefna Vaðalfjöll sem er talið vera eitt besta bouldersvæðið á Íslandi þótt ekki sé langt síðan klifrarar byrjuðu að klifra þar á fullu.

Til hamingju Valdi með þennan merka sigur og við bíðum öll spennt eftir 8a eða 8a+.

Nýjar leiðir á Akrafjalli

Klifrað var á grjótglímusvæði við rætur Akrafjalls um helgina. Lítið hefur verið klifrað á svæðinu og voru margar nýjar leiðir klifraðar, þar á meðal Besta leiðin 6c, sem þykir vera mjög skemmtileg. Nýju leiðirnar hafa þegar verið settar inn á Klifur.is.

Nokkuð var um mosa á óklifruðum leiðum og var þess vegna gott að hafa með sér góðan vírbursta til að hreinsa hann í burtu.

Klifursvæðið var auðvelt að finna þar sem það er á fyrstu klettunum sem komið er að þegar ekið er upp að fjallinu. Eftir að hafa klifrað í nokkurn tíma ákvað hópurinn að ganga aðeins um svæðið og athuga hvort meira klifur væri á svæðinu. Þegar horft er yfir svæðið sér maður að þarna er heill hellingur af klettum en þó fannst ekki mikið af klifurleiðum í þessum göngutúr sem var frekar svekkjandi.

Enginn af gestunum höfðu áður klifrað á klifursvæðinu og voru allir ánægðir með daginn og ánægðir með svæðið þó að ekki hafi fundist mikið klifur ofar í brekkunum. Ekki er þó öll von úti því göngutúrinn náði engan veginn að klára allt svæðið og er alveg óhætt að mæla með þessu svæði.

Hægt er að skoða myndir frá ferðinni hér.

Vaðalfjöll flottasta svæðið

Ásrún klifrar í VaðalfjöllumMikið var klifrað um helgina í Vaðalfjöllum. Dótaklifur hefur lengi verið stundað á hrauntappanum en nýlega hafa klifrarar farið að stunda þar grjótglímu og hafa nú verið klifraðar þar um 30-40 grjótglímuleiðir. Eru klifrarar almennt sammála um það að Vaðalfjöll sé eitt flottasta grjótglímusvæðið á Íslandi.

Grjótglímusvæðið er við rætur stærsta hrauntappans í rúmlega 400 metra hæð yfir sjávarmáli. Tveir aðrir hrauntappar eru í nágrenninu en þeir eru kallaðir Litla- og Stóra Búrfell en á Stóra-Búrfelli er einnig möguleikar á nokkrum línum. Grjótglímusvæðið er vestan megin á Vaðalfjöllum og skiptist í 6 svæði. Hægt er að stunda þar klifur jafnvel þó að það rigni vegna mikils yfirhangs.

 

Hægt er að skoða myndir frá helginni og einnig hægt að sækja myndir af klettunum í Steinabankanum.

Linkar

Klifur á Íslandi

Ferð til Kanada og Ameríku

Robbi klifrar í Joshua TreeVinirnir Ásbjörn, Róbert, Daníel, Ingvar og Rannveig komu á dögunum úr hetjuferð sinni til Kanada og Ameríku. Hópurinn sem var styrktur af fyrirtækjum og félögum lagði af stað 4. janúar síðastliðinn og kom heim til Íslands í lok apríl.

Ferðin byrjaði í Seattle í Bandaríkjunum. Þar verslaði hópurinn sér bíl sem var svo ekið til Kanada þar sem var skíðað og ísklifrað. Eftir þriggja mánaða veru í Kanada var svo haldið til Ameríku þar sem var meðal annars klifrað í Joshua Tree og Red Rocks.

Áður en lagt var af stað í ferðina kom hópurinn sér upp heimasíðu þar sem er hægt að lesa um ferðina og skoða flott video sem þau settu inn.

Smella hér til að sjá nánar úr ferð.

Nýr og betri Valshamar

Jósef klifrar í ValshamriNýr leiðarvísir er kominn á netið. Leiðarvísirinn er af Valshamri í Eilífsdal og voru það Sigurður, Skarphéðinn og Björgvin sem áttu þetta framtak. Leiðarvísirinn var gefinn út í fyrra í ársriti Ísalp.

Nokkrar nýjar leiðir hafa bæst við síðustu ár og er nú fjöldi leiða í hamrinum 25 talsins. Flestar leiðirnar eru boltaðar og eru frá 5.4 upp í 5.11+.

Hægt er að sækja leiðarvísinn hér.

 

Súlur

Heimilisfang: Hjalteyrargata 12
Sími: 460-7550
Heimasíða: sulur.is
Netfang: sulur@sulur.is

Veggurinn skiptist í grjótglímu og leiðsluklifur og nær allt að 8 metra hæð. Nokkuð er um merktar leiðir sem er hægt að klifra eftir.

Á þriðjudögum og fimmtudögum eru “Opin kvöld” frá kl. 20:00 og þá er opið fyrir alla sem vilja koma og klifra.

Umsjónarmenn veggsins:
Magnús Smári | S: 691-1513 | Netfang: magnus@klifur.is
Jón Heiðar | S: 892-2147

Opnunartími

Þriðjudagar og fimmtudagar:

Opin kvöld eftir kl: 20:00

Verð

Eitt skipti: 500 kr.

Myndir

 

Kort


View Rock climbing – Iceland in a larger map

Ég veit ekki með ykkur en ég er búinn að fara út að klifra, TVISVAR!

Vatn í JósepsdalHeilmiklar leysingar hafa átt sér stað í Jósepsdal að undanförnu og er allur snjór að hörfa þaðan svo hratt að hyldjúpt stöðuvatn hefur myndast. Þetta er ekkert grín og er myndin til að sanna það!

Orsök þessa er sú að sólin er farin að vera til kl 8 á kvöldin og veðrið hefur bara verið hið spakasta! Það lítur allt út fyrir að það verði svona áfram ef eitthvað má marka jákvæðisspá klifur.is. Mælum við með því að fólk fari nú að drattast á hin og þessi klifursvæði og láti til sín taka!

Valbjargagjá

Nýtt klifursvæði hefur fundist á Reykjarnesinu. Þetta er grjótglímusvæði sem Stefán Smárason fann og er staðsett í Valbjargagjá. Klifursvæðið er á litlu klettabelti nálægt Reykjarnesvita og eins og margir vita er útsýnið á því svæði ekki á lakari endanum.  Klifrið í Valbjargargjá er mjög flott en flestar leiðirnar þar eru í nettu yfirhangi. Bergið er frekar sérstakt með nóg af puttaholum og köntum og lendingin er góð. Ekki er búið að klifra mikið á svæðinu en þar er möguleiki á um 20 klifurleiðum.

Video 2010

Bændagæima: 7a+ & Sláturhúsið: 8a from Valdimar björnsson on Vimeo.

Stefán Steinar klifrar Bændaglímu og Kjartan Björn tekur í Sláturhúsið.

These two routes are an example of some of the best sport climbing there is in iceland….

 

Klifurhúsið.is from Valdimar björnsson on Vimeo.

Climbing in klifurhúsinu.

Thats the place to be….When climbing indoors on the big cube!!!

 

Siurana bouldering from Valdimar björnsson on Vimeo.

Two boulders in a cave just down from the camping.

 

Canada/USA 2010 7/10 from Robert Halldorsson on Vimeo.

Good sport climbing video from Red Rocks.

Canada/USA 2010 6/10 from Robert Halldorsson on Vimeo.

This video is from Joshua Tree in California
Good Trad climbing and good sun.

Kjartan björn climbs “Leikið á als oddi” in the summer of 2009. The route is a classic in the area of Hnappavellir, it has the grade of 5,12a. Edit by VB.

Can can, 5,10b, hnappavellir from Valdimar björnsson on Vimeo.

Can can, another real nice route in hnappavellir.situated on the south-east part of iceland. Marianne van der Steen climbs and Kjartan belays, the dog and I watch. Edit by VB

Video 2009

Sigurður Tómas klifrar Gullkorn (5.10d) á Hnappavöllum 21. Júní 2009

Extreme climbing in Iceland and hot models!

Bouldering in Hnappavellir this summer of 2009. Sweet boulders to do over here and loads more to open!!!! Edit by Valdimar

Hjalti Andrés og Jafet Klifra í Sýrfellshrauninu.

Grjótglíma. fyrstur upp er Eyþór og probbinn er í Jósepsdal á steininum “einstæðíngi”, hann er neðst í brekkuni. Síðan er probbinn undir “Als odda”, valdi klípir í hann. Upptaka frá Maríönnu & Valdimari. Júlí – Ágúst 2009.

Bouldering in Iceland. Hnappavellir is on the south-east coast close to Skaftafell and Jósepsdalur is a vally and is very close to Reykjavik.

Egilsstaðir

Egilsstaðir

Heimilisfang: Tjarnarbraut 26
Sími: 470-0777
Heimasíða www.egilsstadir.is/ithrottamannvirki
Netfang: fljotsdalsherad@fljotsdalsherad.is

VEGGURINN HEFUR VERIÐ TEKINN NIÐUR! 

 

Í Íþróttamiðstöð Egilsstaða er að finna aðstöðu fyrir grjótglímu og sportklifur. Grjótglímuveggurinn er tæpir 4 metrar á hæð en sportklifurveggurinn um 7 metrar.

 

Sundlaug og æfingaraðstaða er einnig í húsinu.

 

Opnunartími

Opnar á sama tíma og sundlaugin

 

Sjá nánar…

Verð

Eitt skipti: 850 kr. (sund og rækt fylgir)

Myndir

{rokbox album=|s| athumbcount=|6|}images/stories/upplysingar/klifurveggir/egilsstadir/*{/rokbox}

Kort


View Rock climbing – Iceland in a larger map

Björk

Heimilisfang: Haukahraun 1
Sími: 565-2311
Heimasiða: www.fbjork.is
Netfang: fbjork@fbjork.is

Fimleikafélagið Björk starfrækir klifurdeild innan félagsins. Þar æfa um 80 krakkar á öllum aldri klifur. Einnig geta klifrarar komið og klifrað í veggnum á opnunartíma hússins. Allan búnað er hægt að fá leigðan á staðnum en gerð er krafa um grunnkunnáttu í línuklifri til þess að geta klifrað í línuklifurveggnum.

Í Björk er 7 metra hár línuklifurveggur og einnig er boulderveggur. Í línuklifurveggnum er aðallega klifrað með ofanvaði. Námskeið fyrir foreldra eru haldin tvisvar sinnum á ári og eru þau auglýst sérstaklega.

Opnunartími

Vetur:
Mánudaga til föstudaga 08:00 til 23:00

Sumar:
Mánudaga til föstudaga 08:00 til 23:00
Laugardaga og sunnudaga 09:00 til 19:00

Lokað í júlí

Verð

Eitt skipti: 800 kr.
Eitt skipti 18 ára og yngri: 400 kr.

Myndir

Kort


View Rock climbing – Iceland in a larger map

Laugarvatn

Heimilisfang: Lindarskógur 1
Sími: 862-5614
Netfang: smari@hi.is

Nemendur við menntaskólann og háskólann á Laugarvatni hafa æfingaraðstöðu í björgunarsveitarhúsinu Lindarskógi 1. Veggurinn er 6-7 metra hár og þar er stunduð grjótglíma og eru dýnur undir öllum veggjum. Einnig er möguleiki að klifra í ofanvaði. Klifurskó og kalk verður maður að koma með sjálfur.

Umsjónarmaður veggjarins er Smári, sími: 862-5614.

Opnunartími

Vetur:
Mánudaga og fimmtudaga 16-18 eða hafa samband við umsjónarmann.

Sumar:
Leitið upplýsinga til umsjónarmanns

Verð

1 skipti: 500 kr.

Myndir

Kort


View Rock climbing – Iceland in a larger map

Sportklifur

Sportklifur

Sportklifurleiðir eru vanalega um 8 til 30 metrar og eru klifrararnir tryggðir með línu. Á sportklifursvæðum er búið að koma fyrir augum í klettunum til þess að tryggja klifrarana. Til eru mismunandi aðferðir við að klifra leiðir. Þar ber helst að nefna: Beint af augum, Flash (Leiftra), rauðpunt eða ofanvaður.

 

Það er nauðsynlegt að stíga fyrstu skrefin í klettaklifri með vönum leiðbeinenda eða sækja námskeið í sportklifi.

Búnaður

Til þess að geta stundað sportklifur utanhúss þarf hver klifrari að eiga: klifurskó, kalkpoka og belti. Sá búnaður sem er “sameiginlegur” er: klifurlína, læst karabína, ca. 8 tvistar og tryggingartæki (t.d. túba eða grigri).

TútturkalkpokiBeltiKlifurlína KarabínaTvisturTúbaGrigri

Sjá nánar um búnað

Klifursvæði

Það eru sportklifursvæði víða um landið en það stærsta er Hnappavellir í Öræfasveit. Valshamar er mikið sótt af klifrurum á fögrum sumarkvöldum og er afar byrjendavænt. Það er staðsett í Eilífsdal í Esjunni.

Námskeið

Klifurfélag Reykjavíkur heldur reglulega námskeið fyrir byrjendur á sumrin. Nánari upplýsingar um námskeiðin eru að finna á heimasíðu Klifurhússins.

Myndir

Skip to toolbar