Tag Archives: climbing

Valþjófsdalur

Klifursvæði

Veggurinn er í Valþjófsdal í Önundarfirði, á Vestfjörðum og er um 35 m hár frístandandi basalt berggangur. Klettaveggurinn stendur stakur en grjótskriður ganga niður með honum sitt hvoru megin. Sú hlið sem klifurleiðirnar eru á er vel varin fyrir grjóthruni. Þar sem svæðið fyrir framan klettinn er í bratta og klettar þar fyrir neðan er mælt með að forklippa í fyrsta bolta í öllum tilfellum. Leiðirnar eru á bilinu 20 – 25 m að lengd og því mælt með 60 m línu.

Björgvin Hilmarsson uppgötvaði og opnaði svæðið sumarið 2020. Boltaði þá fyrstu leiðina sem kallast Valþjófur var hér. Veggurinn er á einkalandi. Sama gildir hér sem annars staðar, alger og ófrávíkjanleg regla er að umgengni sé góð og virðing fyrir náttúrunni höfð í öndvegi, hvort heldur sem er við bæinn eða á klifursvæðinu. Í ársriti ÍSALP 2024 má finna grein um svæðið með frekari upplýsingum. Hægt er að hafa samband við Klifurfélag Vestfjarða (info [at] klifra.is) eða Björgvin sjálfan til að fá frekari upplýsingar. Boltun er óheimil nema að höfðu samráði við Klifurfélag Vestfjarða sem fer með umsjón svæðisins.

—

The wall is in Valþjófsdalur in Önundarfjörður in the Westfjords of Iceland, and it´s about 35 m tall free standing basalt dyke. The side of the wall where the routes are located is well protected from rock fall. As the immediate area in front of the wall is steep, it´s recommended to pre-clip the first bolt in all routes. The routes are around 20 – 25 m so 60 m rope is recommended.

The crag was opened up in the summer of 2020 by Björgvin Hilmarsson who bolted the first route called Valþjófur var hér. The wall is on a private land and it´s absolutely necessary that climbers show utmost respect for the land, the farmer (at Tunga farm) and the area´s nature in general. For additional information contact The Westfjords Climbing Club (info [at] klifra.is). The crag is overseen by the club. No bolting is allowed without getting permission from the club and the land owner.

Eftiráhugsun

Leiðir

Leið B0 😉

5.8 (?) (HVS 4c/5a?)

Nýja leið vinstramegin við P.S.. Klifur auðveldlega upp á sylluna og stóra steinn fyrir neðan sprungu. Nokkrar erfiðar hrefingar upp sprungjuna, með gripum á veggnum, koma þer að syllu (krux). Eitt skemtilegt hrefing að koma á syllu og svo klára upp auðveldlega (lausar steinar – þarf hreinsun).

Lítil og meðalstærð cams.

F.f. Robert Askew og Kaspar Urbonas, 24/10/2020.

P.s. (lol, seewhatIdidthere), Er alveg hægt að klifra núna ‘as is’, en mun vera miklu betri með hreinsun og er kannski ekki 5.8 án mosi í sprungunni (5.7?). F.f. var ‘onsight’ án hreinsun og á mjög kaldur dagur – er ekki alveg viss um gráða.

Ísafjörður

Klifursvæði

Klifursvæðin í kringum Ísafjörð eru nokkur en hafa mjög gott af frekari skráningu þar sem að af nægu er að taka og bergið almennt fastara í sér heldur í kringum Reykjavík. Helstu svæðin í kringum Ísafjörð eru: 

Arnarneshamar
Sauratindar
Naustahvilft
Kirkjubólshvilft

Í kringum Ísafjörð er einnig mikið af skráðu vetrarklifri. Naustahvilft, Kirkjubólshvilft, Súðavíkurhamrar, Óshlíð og fleiri og fleiri. Nánari upplýsingar um vetrarklifur í Ísafjarðardjúpi má finna á heimasíðu Íslenska Alpaklúbbsins

Arnarneshamar

Í Arnarneshömrum eru fimm boltaðar leiðir. Bergið lýtur út fyrir að vera laust í sér en er rock solid Ísafjarðarmegin en er aðeins lausara í einu leiðinni sem er Súðavíkurmegin.

Fínasta klifur í mikilli nálægð við sjóinn. Leiðirnar hefðu gott af meiri umferð til að ná að hreinsa betur alskonar gróður úr leiðunum. Einhver augu fara að koma á endurnýjunartíma.

Gaman að nefna að göngin sem liggja í gegnum Arnarneshamra eru þau elstu á Íslandi.

 

  1. Skutull – 6a+
  2. Álft – 6a+
  3. Seyði – 5c
  4. Hestur – 5c
  5. Skata – 6b

Sauratindar

Back to top

Í Sauratindum eru fjórar klifraðar leiðir og eru tvær af þeim boltaðar á meðan hinar eru klifraðar í dóti. Boltuðu leiðirnar eru tveggja spanna og um 60m langar. Mælum við með því að þeir sem heimsækja þetta svæði klifri upp á klettana og skrifi afrek sín í gestabók. Gestabókin er í vörðu rétt fyrir ofan klettana.

Upprunalega voru það Ísfirðingar sem fóru fyrst að klifra á þessu svæði. Árið 1995 opnuðu drengirnir Eiríkur Gíslason, Hörður Harðarson , Ólafur Th Árnason og Ragnar Þrastarson fyrstu leiðina. Árið 1997 boltuðu Árni Gunnar, Gregory , Jökull bergmann og Rúnar Óli tvær leiðir, nefnist sú austari Prima Noche (5.9). Dagur Halldórs og Stefán Steinar voru skammt undan þetta sumar og opnuðu seinni dótaleiðina , City Slickers (5.7/5.8).

Þetta svæði bíður upp á mikla möguleika og væri gaman að sjá fleiri gera sér ferð þangað uppeftir og setja upp nýjar leiðir.

Viljum við minna sérstaklega á að hjálmar eru nauðsynlegir á þessu svæði og ef fólk ætlar þangað að vetri til ber að kanna snjóflóðahættu!

1. Fyrsta – 5.8/9 – Trad
2. Prima Noche – 5.9 – Sport
3. Önnur – 5.8/9 – Sport
4. City Slackers – 5.7/5.8 – Trad

Naustahvilft

Back to top

Naustahvilft er sætið í fjallinu fyrir ofan Eyrina á Ísafirði. Á veturna myndast mikill ís sem snýr í norður og helst í aðstæðum mest allan veturinn. Sjá nánar á isalp.is. Hvað klettaklifur varðar, þá eru stórir og stæðilegir steinar í botninum á hvilftinni og hefur eitthvað verið stundað af grjótglímu þar.

Kirkjubólshvilft

Back to top

Kirkjubólshvilft er næsta hvilft inn fjörðinn á eftir Naustahvilft. Af sama skapi myndast líka ís í hvilftinni sem má skoða betur á isalp.is og þarna hefur verið stunduð einhver grjótglíma þó svo að þar séu ekki alveg jafn margir steinar eins og í Naustahvilft.

Back to top
Skip to toolbar