Klettarnir eru hæðstir um 10 metrar og henta vel fyrir byrjendur og yngri klifrara. Eitthvað hefur verið grjótglímt á hömrunum en þeir eru yfirleitt of háir til að toppa og lendingin er oft leiðinleg í brekku.

Lítið klettabelti er að finna skammt frá Háabjalla. Til að finna það er gengið um 200 metra í suð-austur frá Háabjalla.

Ath. Svæðið er í eigu Skógræktarfélags Voga. Gangið vel um svæðið og takið allt rusl með heim. Það er ruslatunna við bílastæðið en hún er sjaldan tæmd og því er betra að taka allt rusl heim (þetta á sérstaklegs við um hópa). Skógræktin er með vinnukvöld á miðvikudögum og þá er töluverð umgengi á svæðinu.

Stutt frá Laugarvatni er svæði sem kallast Austur-Klofningur. Klifrið á svæðinu fer fram á litlu klettabelti sem liggur skammt frá Gullkistunni, sem er lítill áberandi hnúkur ofan á Miðdalsfjalli. Gullkistan geymir eina boltaða leið, Jómfrúin (5,5). Lendingin undir flestum leiðum er þokkaleg en stundum mikill halli og eitthvað um stóra grjóthnullunga sem þarf að færa frá. Grjótið er sumstaðar mjög hvasst, hálfgjört hraun, og lítið viðnám á því. Svæðið er tiltölulega nýtt og því enn mikið sem á eftir að skoða. Sumstaðar þarf að hreinsa mosa og því gott að hafa vírbursta með.

Innarlega í Berufirði er að finna nokkra fína steinhnullunga. Einn steinninn sker sig úr með því að vera óvenju ferkanntaður og hefur fyrir það verið nafndur Sykurmolinn. Þar er einnig smá plan og bekkir þar sem er hægt að stoppa. Steinarnir eru nálægt fjörunni og sjást augljóslega frá veginum. Fer ekki framhjá þér.

Sykurmolinn PDF