Hnappavellir 28. ágúst ´09

Blogg

Annað skiptið sem ég klifra á Hnappavöllum og veðrið klikkaði auðvitað ekki! Ég, Eyþór og Andri fórum saman í bíl á föstudagskvöldið. Við héldum okkur vel vakandi á leiðinni og mættum eldhressir á svæðið kl 02:00 um nóttina og af því að við erum svo umhiggjusamir vöktum við Rakel og Kjarra (sofandi inní bíl) svo að þaug gætu tjaldað tjaldinu sínu.

Allir vöknuðu kl 9 um morguninn og voru hæst ánægð með það. Sérstaklega Rakel og Kjarri. Við smelltum í okkur smá morgunmat og byrjuðum að klifra!

Kristó, Lóa og Ásrún komu síðan um miðjan dag og þá byrjuðu kraftaverkin! Kristó, Andri, Eyþór og Valdi fóru að bouldera á meðan ég og stelpurnar klifruðum einhvað örlítið erfiðara í línu. Er ekki með á hreinu hversu erfitt allir fóru en eitt er víst að allir skemtu sér vel enda veðrið geðveikt alla helgina!

Við fórum síðan heim á sunnudaginn dauðþreitt og skildum meirihlutann af puttaskinninu okkar eftir.

Ein mynd segir meira en þúsund orð þannig að ég hef þetta ekki lengra að sinni.

Adios Amigos!

Sumar í Vaðalfjöllum

Blogg

Skólinn var byrjaður en hverjum er ekki sama…! Stefnan var tekin beint upp í Vaðalfjöllin við fyrst tækifæri! Bíllinn var fylltur af Dýnum, mat, bjór og hinum og þessum bráðnauðsinjum (n**tó**k?). Á leiðinni til Kristós keyrðum við fram á roadkill dauðans, það var köttur í svona 20 hlutum splattaður yfir ALLANN veginn og var hann tekinn með í nesti. Við komum seint um kveld til hina ástkæru Ketilstaða og voru kertaljósin tendruð og klósettið prufukeyrt.

Continue reading →

TRUBUE Auto belay

Blogg

TRUBUE Auto belaySkátaland hefur fengið umboð fyrir Trubeu Auto belay. Þessi græja er sjálfvirkur tryggjari sem tryggir klifrara og slakar honum niður ef hann vill fara niður. Græjan stillir sig sjálf eftir þyngd (10-150 kg) og er alltaf tilbúin.

Nánari upplýsingar um þessa græju má finna á heimasíðu Eldorado walls eða  www.eldowalls.com. Skátaland mun setja þennan búnað upp til prufu á næstu vikum.

Þeir sem hafa áhuga á þessum búnaði hafið samband við Helga hjá Skátalandi netfangið er helgi@skatar.is.

Meira um mótið

Blogg

Um næstkomandi helgi verður haldið Norðurlandamót ungmenna í grjótglímu. Mótið fer fram í höfuðborg Svíþjóðar, Stokkhólmi, og munu átta íslenskir klifrara taka þátt í að þessu sinni. Klifrararnir eru þau: Ásrún, Andri, Kjarri, Hilmar, Bryndís, Guðmundur, Ríkey og Helena. Öll hafa þau æft af kappi hjá Klifurhúsinu og Björkinni undanfarin ár.

Á sunnudaginn verða úrslitin í beinni útsendingu á heimasíðu sænska klifursambandsins. Við hvetjum alla til þess að fylgjast með okkar þátttakendum.

Við óskum þeim öllum góðs gengis.

Meira um mótið

Blogg

Um næstkomandi helgi verður haldið Norðurlandamót ungmenna í grjótglímu. Mótið fer fram í höfuðborg Svíþjóðar, Stokkhólmi, og munu átta íslenskir klifrara taka þátt í að þessu sinni. Klifrararnir eru þau: Ásrún, Andri, Kjarri, Hilmar, Bryndís, Guðmundur, Ríkey og Helena. Öll hafa þau æft af kappi hjá Klifurhúsinu og Björkinni undanfarin ár.

Á sunnudaginn verða úrslitin í beinni útsendingu á heimasíðu sænska klifursambandsins. Við hvetjum alla til þess að fylgjast með okkar þátttakendum.

Við óskum þeim öllum góðs gengis.

Valdimar klifrar 8b+ !

Blogg

Valdimar Björnsson hefur náð þeim stórglæsilega árangri að vera fyrsti Íslendingurinn til að klifra leið af gráðunni 8b+ eða 5.14a.

Leiðin ber nafnið Darwin Dixit og er í Laboratory sectornum í Margalef á Spáni. Það tók Valda aðeins 8 daga í heildina að klára leiðina.

Til hamingju með þennan frábæra árangur Valdi og gangi þér vel í næstu projectum !

Sasha DiGiulian

Blogg

Ef þið hafið ekki heyrt á þetta nafn minnst, ættuð þið að leggjast í smá rannsóknarvinnu.

Þessi 18 ára stelpa frá Bandaríkjunum hefur nú klifrað sína fyrstu 9a (5.14d) leið. Það gerði hún í Red River Gorge í Bandaríkjunum nú fyrir örfáum klukkutímum. Það tók hana ekki meira en 3 daga og 6 tilraunir svo það má búast við enn stærri afrekum frá þessari stelpu í náinni framtíð. Sasha er þar með þriðja konan til þess að klifra leið af þessu erfiðleikastigi en áður hafa Josune Bereciartu og Charlotte Durif náð þessum frábæra árangri.

Áfram konur/stelpur !!!!!!

Uppfærsla á Hnappavallaleiðarvísi

Blogg
Eins og áður hefur komið fram hér á vefnum hefur heldur betur bæst við fjölda klifurleiða úti í Hádegishamri á Hnappavöllum. Af þessu tilefni setti Jón Viðar smá viðbót við leiðarvísinn á netið

HádegishamarEins og áður hefur komið fram hér á vefnum hefur heldur betur bæst við fjölda klifurleiða úti í Hádegishamri á Hnappavöllum. Af þessu tilefni setti Jón Viðar smá viðbót við leiðarvísinn á netið. Þess má geta að allar leiðirnar er að finna hægra megin við þær leiðir sem fyrir voru í klettabeltinu.

Einnig var boltuð ný leið í Salthöfða, hún fékk nafn og gráðu Strumpaland 5.3

Þakkir til Jóns fyrir þetta framtak.

Hugmyndir frá Selfossi

Blogg

Í sumar voru klifuráhugamenn frá Selfossi að skoða stóra steinhnullunga sem voru í námu þar skammt frá. Sú hugmynd kom upp að flytja steinana frá námunni í Selfoss og koma þeim þannig fyrir að gott væri að stunda grjótglímu í þeim. Nokkur alvara var fyrir að framkvæma þessa hugmynd og væri gaman að fá að heyra hvernig þetta fór.

Á Geldinganesinu, rétt hjá Grafarvoginum, er steinanáma sem hefur ekki verið unnið í í þó nokkurn tíma. Í henni eru steinar sem eitthvað hefur verið klifrað í en aðgengi, umhverfi og klifur er ekki upp á marga fiska og það hefur ekki verið mikið sótt. Spurningin er hvort sá möguleiki sé raunhæfur að flytja steinana í bæinn. Þá væri aðgengið að steinunum betra og einnig væri hægt að stjórna því að einhverju leiti hvernig steinarnir snúa þannig að þeir væru sem hentugastir fyrir klifur. Spurningin er bara hvort steinarnir séu hentugir, hvort það sé hentugur staður fyrir þá og hvort hægt sé að fá einhverja styrki hugsanlega frá Reykjavíkurborg til að framkvæma þetta.

Þetta er verðugt verkefni til að skoða og hvet ég ykkur klifuráhugamenn á Íslandi til að athuga þetta. Ekki veitir af meira klifri í bæinn.

Hvítar strendur, brim og sjávarklettar

Blogg

Andri klifrar í miklu yfirhangi

Fyrir skömmu koma vaskur hópur klifrara heim frá Mallorca þar sem hópurinn mátaði sig í nokkrar deep water solo klifurleiðir. Þetta er í fyrsta skipti sem íslenskur hópur fer í klifurferð sem þessa en deep water solo merkir það að klifurleiðirnar eru í sjávarhömrum og þegar klifrararnir detta falla þeir niður í hyldýpið fyrir neðan sig.

Til þess að svala forvitni þeirra sem vilja vita hvaða leiðir hópurinn klifraði þá ber okkur að nefna nokkrar þeirra á nafn. Andri Már klifraði Afroman (7b) sem er 18 metra leið í miklu yfirhangi. Leiðin sem Klem Loskot sést klifra í einni Dosage myndanna og hann nefndi In the Night, Every Cat is Black (8a) var klifurð af Kjartani Birni. Ein stelpnanna í hópnum, Ásrún Mjöll, klifraði Hercules (6c) sem er í hellinum Snatch Area á Cala Barques. Hópurinn klifraði á ýmsum svæðum og þar má nefna Cala Barques, Cova de Diablo, Porto Cristo- Tower of Falcons, Es Pontas og Porto Colom.

Föruneytið hélt prýðis myndasýningu eftir mótið á sem haldið var á síðastliðinn sunnudag og viljum við þakka fyrir skemmtilegt myndefni.

Föðurlandið sigrað

Blogg

Valdimar Björnsson klifraði leiðina Föðurlandið núna fyrr í mánuðnum. Leiðin var boltuð af Jósef og Kristjáni fyrir tveimur árum en hefur verið opið verkefni síðan. Margir af bestu klifrurum landsins spreytt sig á því en engum tekist ætlunarverkið. Leiðin er í Hádegishamri sem er nyrsta klettabeltið á Hnappavöllum. Segja má að leiðin einkennist af nokkrum afar erfiðum hreyfingum og minnir frekar á erfiða grjótglímuþraut – leiðin telur ekki nema 12 metra. Valdimar hyggur að leiðin sé líklega 5.13c eða 5.13d.

Annað sem helst er í fréttum frá Hnappavöllum er að í Hádegishamri eru núna komnar 7 nýjar leiðir. Ekki er vitað um nákvæmar gráður og nöfn á leiðunum en þær eru á bilinu 5.4-5.10c. Kjörið að ná einni góðri ferð austur áður en veturinn gengur í garð og máta sig í þessar.

Klifurnámskeið á Hnappavöllum

Blogg

Evrópa unga fólksinsÞann 12. til 17. ágúst var haldið klifur og útivistarnámskeið á Hnappavöllum, styrkt af Evrópu unga fólksins. Til að byrja með voru sjö klifrarar skráðir en á öðrum degi slóst sá áttundi í hópinn. Veðrið lék við hópinn allan tímann og allir völdu sér leið til að vinna í yfir námskeiðið. Öllum krökkunum gekk vel klifrið og þurftu flestir að velja sér oftar en einu sinni nýtt verkefni þar sem það fyrra var klárað með stæl. Það ber að nefna tvö afrek sem voru unnin á námskeiðinu; Guðmundur fór Miklagljúfur 5.11a og Bryndís klifraði Janus 5.10a. Allir á námskeiðinu lærðu grunnatriðin í línuklifri eins og að tryggja, þó svo að margir hafi kunnað það fyrir, ásamt því að þræða akkeri.

Ævintýraleg ferð var farin í sund á Höfn og einnig út í skipsflak sem niðri við sjóinn sunnan af Hnappavöllum. Mikill áhugi var fyrir grjótglímu í hópnum og bjuggu klifrararnir til nokkrar nýjar þrautir. Allir skemmtu sér konunglega og vildu flestir koma aftur að ári ef það væri í boði.

Hnappavallaleiðarvísi frestað

Blogg

Útgáfu á væntanlegum grjótglímu leiðarvísi fyrir Hnappavelli hefur verið frestað til næsta sumars. Í staðinn verður hægt að gera betri leiðarvísi næsta sumar og með fleiri leiðum. Margar leiðir sem hafa verið klifraðar átti eftir að fara yfir, merkja gráður og upplýsingar um leiðirnar. Einnig er mikil vinna eftir í kortagerð fyrir svæði.

Stefnt verðu á að gefa út tvo leiðarvísa næsta sumar. Það verður þá Hnappavallaleiðarvísirinn og svo líklega grjótglímu leiðarvísir fyrir Vaðalfjöll eða klifurleiðarvísir fyrir Vestfyrði.

Klifurveggur á Egilsstöðum tekinn niður

Blogg

Klifurveggurinn í Íþróttamiðstöð Egilsstaða hefur verið tekinn niður. Veggurinn var staðsettur í einu horni í stórum íþróttasal og hann var ekki mikið notaður samkvæmt starfsmönnum þar. Veggurinn var frekar lítill grjótglímuveggur og með nett yfirhang. Höldurnar voru einnig fremur litlar og hann því ekkert sérstaklega byrjendavænn. Fyrir lengra komna var þetta hins vegar fínasti veggur. Veggurinn hefur hugsanlega verið færður eitthvað annað.

Nýr leiðarvísir

Blogg

Fyrsti steinninn var settur niður í dag í nýja Hnappavallaleiðarvísinn sem verið er að vinna í. Leiðarvísirinn er sá þriðji í röðinni af þessari grjótglímu leiðarvísa syrpu og fær hann nafnið “Hnappavellir Boulder”. Leiðarvísirinn verður í sama þema og þeir fyrri, nú með grænt litaþema.

 

Fyrsti steinn í HádegishamriUm 120 klifurleiðir og project hafa verið skráð niður en vonast er til að fjöldi þeirra verði í um 140 – 160 þegar leiðarvísirinn verður gefinn út.  Ekki er vitað með vissu hvenær leiðarvísirinn verður gefinn út, mikil vinna liggur fyrir höndum, en það verður líklegast í lok sumars eða í haust. Þetta verður þá stærsti grjótglímu leiðarvísirinn sem gefinn hefur verið út á Íslandi.

Ný leið á Hnappavöllum

Blogg

Ný leið hefur verið boltuð á Hnappavöllum. Leiðin er staðsett í Hádegishamri, og er hægra megin við hina alræmdu og óklifruðu leið Föðurlandið. Þessar leiðir er ekki að finna í Hnappavallaleiðarvísinum þar sem þær eru báðar boltaðar eftir útgáfu hans en þær eru hægra megin við Litlu Lúmsku Leiðina.

Heiðurinn af leiðinni eiga þeir Jósef Sigurðsson og Guðlaugur Ingi Guðlaugsson en þeir boltuðu hana nú um helgina og hafa gefið henni nafnið Herra Alheimur. Gráða leiðarinnar hefur enn ekki verið fest, en hún mun vera eitthvað um 5.10a.

Einnig er rétt að minnast á það að þessa sömu helgi klifraði Egill Örn Sigþórsson Fantasíu 5.13a (7c+) og Jósef fór Hláturhúsið 5.12b (7b) sem er stórglæsilegt.

Nordic Youth Camp í Finnlandi

Blogg

Nú hefur hópur ungra og efnilegra klifrara lagt land undir fót og haldið til Turku í Finnlandi.  Klifrararnir taka þátt í Nordic Youth Camp sem eru norrænar klifurbúðir haldnar árlega. Í búðunum verður áhersla lögð á sportklifur og grjótglímu, bæði úti og inni.
Hægt er að fylgjast með hópnum á facebook  en búðirnar standa yfir dagana 26.06.2011-02.07.2011.

http://www.facebook.com/group.php?gid=105724649483067

Við óskum þeim góðrar ferðar og góðs gengis !

Í þessu samhengi er vert að minnast á að erfiðasta leið Finnlands, Syncro 8c, sem var klifruð af Tomi Nytrop fyrstum manna árið 2006 var klifruð aftur. Samkvæmt síðunni http://27crags.com/ var það þýski klifrarinn Christian Bindhammer sem endurtók leikinn fyrir tveim dögum eða þann 23. Júní 2011 og telur hann leiðina jafnvel bera gráðuna 8c+.

Af sportklifri og Hnappavöllum..

Blogg

HnappavallakortEflaust hafa þónokkrir velt fyrir sér hvaða leið sé í Pöstinni lengst til vinstri en nefnist hún Vippan og henni hefur verið gefin gráðan 5.11b. Kristín Martha Hákonardóttir á heiðurinn af boltun hennar.

Annars er vert að benda á nýtt fyrirkomulag kamars-, bolta- og tóftarsjóðs Hnappavalla. Nú er öllum þeim klifrurum sem ætla að nýta sér svæðið bent á að fjárfesta í Hnappavallakortinu.

Það fæst í Klifurhúsinu og kostar 1000 krónur. Einnig er hægt að greiða með millifærslu á reikning 111-26-503810 kt:410302-3810 Skýring: Kamar.

Meðfylgjandi er mynd af þessu glæsilega korti.

Afrek frá Rodellar

Blogg

Félagarnir Kristján Þór, Egill Örn og Jósef komu á dögunum heim frá klifurferð til Rodellar á Spáni.

Félagarnir Kristján Þór, Egill Örn og Jósef komu á dögunum heim frá klifurferð til Rodellar á Spáni.

Drengirnir stóðu sig eins og hetjur og klifruðu margar leiðir og bar þar hæst að Egill og Kristján klifruðu leiðina Familia Manson 8a+ og Jósef klifraði El Pequeno Bravo 7c. Með þessu bættu Egill og Jósef sig um gráðu.

Auk þess að klifra þessar leiðir fór Kristján eina 7c beint af augum, Egill fór tvær 7b+ beint af augum og Jósef eina 7a+ beint af augum.

Allt þetta ásamt mörgum fleiri afrekum er hægt er að skoða á 8a síðunum hjá strákunum, en þær má nálgast með því að smella á nöfnin þeirra hér að ofan.

Til hamingju með góðan árangur strákar!

Skip to toolbar